منتديات الشعر العربي
أهــــــــــــــــــلا ً وسهــــــــــــــــلاً

أخي: .........

اسمح لي بأن أحييك .. وأرحب بك

فكم يسرنا ويسعدنا انضمامك لعائلتنا المتواضعة


وكم يشرفني أن أقدم لك .. أخـوتنا وصداقـتـنا



التي تنبع من قلوب

هذا المنتدى السامي

أهــلا بك

منتديات الشعر العربي

الشــعــر العربـــــــــــــي
 
الرئيسيةالبوابةاليوميةس .و .جالتسجيلدخول

شاطر | 
 

 ناس و ناس .... أشرف الكاشف

اذهب الى الأسفل 
كاتب الموضوعرسالة
ashraf.el_kashef
عضو


عدد المساهمات : 10
تاريخ التسجيل : 01/11/2013

مُساهمةموضوع: ناس و ناس .... أشرف الكاشف    الثلاثاء نوفمبر 12, 2013 6:26 pm




ناس .. وناس


دنيا .. وعايشين فيها
ناس تعدي لبر أمان
وناس النار بتكويها
ناس مش لاقية راحة بال
وناس تانية تقضيها
ناس الموجة تغرقها
وناس الميه ترويها

وناس الفقر خلاها
تبوس جزمة أفنديها
يشيل اللقمة من بوقه
عشان ابنه ياكل بيها
ودا خايف يجيب العيش
من التلطيش يموت فيها
و دا بيجيب عيال بالكوم
ودلوقتي .. يشغلها ويرميها
ودا كرامته بيبعها
عشان بجنيه..
عشان اللقمة يلاقيها
ودا ماتت كرامته خلاص
بقت حرفة
مقدرها .. وغاويها

وناس الكرسي خلاها
تاخد أرواحنا بإيديها
عشان سلطة تريحها
تدوس كله .. برجليها
ولا في حساب لروح انسان
وكام روح عايش ليها
دا اتيتم .. ودي بتلطم
ودي .. مش حاسة حواليها
ودي بتبكي.. من الحرقة
دموعها ..دم في ايديها
ودي تسمع خبر موته
تقول .. لأ
ابني ما ماتش زييها
و تطلع تجري في شوارع
و خوفها مش مخليها
تنام لحظة ..
تخاف فجأة..
تلاقي جثة .. ودا رايح يغطيها
عشان واحد يعيش في قصور
يموت ألف ..
ويبني قصور يعيش فيها
عشان قاموا وقالوا الحق
أمشي ... ولا نغنيها

و ناس الهم موتها
وموت كل شئ فيها
ولما تنام .. تنام صاحية
و خلي الدمع في عنيها
وخلاها تعيش بكره
وحاطين راسها في ايديها
ومش عارفين لفين رايحين
وبكره .. فين موديها
و لو يوم شافوا الفرحة
تلاقي الحزن يعميها
ناس تجرح ما بتحسش
وناس بتلوم في نفسيها
وناس ناسية لمين عايشة
وناس تاكل في بعضيها
وناس عايشة لكل الناس
ومش عاشت في يوم ليها
ناس تتحب . وناس تايها
فين آخر اراضيها
وناس عايشة في ليلها نهار
لا بتنسي .. ولا الايام تنسيها
وناس تشكي لطوب الأرض
وناس تكتم حكاويها
وناس تضحك .. ورا الضحكة
تخبي كل مآسيها
وناس تبوص لسماها وبتدمع
تقول ..يارب .. عديها
الرجوع الى أعلى الصفحة اذهب الى الأسفل
 
ناس و ناس .... أشرف الكاشف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعر العربي :: ღஐ ღஐ صور الشعراءღஐ ღஐ-
انتقل الى: