منتديات الشعر العربي
أهــــــــــــــــــلا ً وسهــــــــــــــــلاً

أخي: .........

اسمح لي بأن أحييك .. وأرحب بك

فكم يسرنا ويسعدنا انضمامك لعائلتنا المتواضعة


وكم يشرفني أن أقدم لك .. أخـوتنا وصداقـتـنا



التي تنبع من قلوب

هذا المنتدى السامي

أهــلا بك

منتديات الشعر العربي

الشــعــر العربـــــــــــــي
 
الرئيسيةالبوابةاليوميةس .و .جالتسجيلدخول

شاطر | 
 

 ما فيش واحدة زيها ♥ ツ

اذهب الى الأسفل 
كاتب الموضوعرسالة
ashraf.el_kashef
عضو


عدد المساهمات : 10
تاريخ التسجيل : 01/11/2013

مُساهمةموضوع: ما فيش واحدة زيها ♥ ツ    الثلاثاء نوفمبر 12, 2013 6:41 pm



مافيش واحدة زيها

بسهر .. أكلم نفسي
و أقول .. بحبها
بشكي من الهّمْ
وبشكي .. بغلبها
من غير ما أقوله
ربي عارف سِّرها
و إنت يا ربْ
عارف إني بحبها
وعارف إني
نفسي أشوفها واقولها
إني .. لها
ولا يوم في عمري
شوفت واحدة زيها
حتي ولو لفيت بلاد
وشوفت الدنيا كلها
نفسي تكون ملكي
و قلبي ملكها
نفسي أعيش عمري
كله ..جمبها
إني فـِ قلبي شايلها
ونفسي أبقي في قلبها
و أقولها ..
إني ما كنتش أعرف
أنها ..
عندي .. أغلي
من حياتي نفسها
نفسي ما أكونش تقيل
.. عليها
وبرده .. أبقي ضلها
مش يجي يوم تحزن
وتبقي .. لوحدها
أول ما تتعب..
تيجي تشكي همَّها
نفسي أكون..
أغلي حاجة عندها
يمكن دا حلم
أو حتي وهم
بس برده بحبها
هو حرام ! ؟
ولّا غلطت في حقها ! ؟
لا في يوم كتبت..
إني نفسي أضمها
وأمسك إيديها
ولّا .. أبات في حضنها
ولا حتي قولت
كلمة .. وحشة عنها
علشان يكون قلبي نضيف
أصلي مسلم
.. زيها
أخلاق جميلة
وهي جمل منها
و بتكسف ..!
وخجلها حاجة في أصلها
أمال .. بقول
إني ليه بحبها ..!
وإني عندي
مافيش واحدة زيها ..!
هو يا رب
فيه حاجة حلوة عملتها
علشان تخليني في لحظة أحبها !؟
بس يا ريت
يكمل رضاك عني
و ألاقي .. حبها
وإني في يوم أبقي لها
و أدوق حلاوة قربها
و أنسي التعب
وأنسي مراري في بُعدها
و إني لوحدي
أبقي بس فـِ فِكرها
أفتح كتابي
و أمسح حياتي قبلها
و أبدأ بصفحة جديدة
حلوة .. بَعدها
بس أعمل إيه
هو في حاجة
تتعمل .. وسبتها ؟
دا حتي قلبي
.. قفلته
وعيني .. قفلتها
ورسمت جواهم
صورة شكلها
بفضل ابوص للسما
بشكي همي لربنا
حتي النجوم .. بقولها
تشهد بإني
يوم سعيد
وألف يوم .. بشتاقلها
بكره .. تحب
تتعب .. وتعرف
أد إيه كان ظلمها !
إني برئ ..
بس راضي بحكمها
علشان .. بحس
.. بيها
وعارف عذرها
وعارفه حبي
ونفسها ..
ما أكونش
.. في حكمي ظلمتها !
وعايزة تفرح
بس عاملة حساب
وميت حساب
لربها
تفضل .. نقية
يوم تقابله لوحدها
تفضل .. جميلة
في عين أبوها و أمها
أمال .. بقول
إني ليه بحبها ..!
وإني عندي
مافيش واحدة زيها ..!
شوفتوا .. الجمال !
ولا .. الدلال !
و إنها ..
أجمل ملاك عرفتها
دا كلام .. قليل
ما انتوا ما شوفتوش
.. قلبــــها !
الرجوع الى أعلى الصفحة اذهب الى الأسفل
 
ما فيش واحدة زيها ♥ ツ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعر العربي :: ღஐ ღஐ صور الشعراءღஐ ღஐ-
انتقل الى: